اُس دیس کی قسمت کیا ہوگی؟ اس قوم کی حالت کیا ہوگی؟ <br /> جہاں کلیاں مسلی جاتی ہوں۔۔۔مظلوم کی چیخیں آتی ہوں!! <br /> انصاف کی بولی لگتی ہو۔۔بولیں تو گولی لگتی ہو!! <br /> جہاں خوف دلوں میں بستا ہو۔۔اور خون بشر کا سستا ہو!! <br />ہر گام پہ مقتل سجتے ہوں۔۔۔ماتم پہ باجے بجتے ہوں!! <br /> چہروں پہ دکھ کا پہرہ ہو۔۔۔ آنکھوں میں دریا ٹھہرا ہو!! <br />جہاں کانٹے بوئے جاتے ہوں۔۔۔ اور گلشن روئے جاتے ہوں!! <br /> کب امن کا جھرناپھوٹے گا ؟۔۔۔کب قفل دکھوں کا ٹوٹے گا ؟ <br /> یارب دھرتی پہ کرم کرنا ! تیرا ہی کرم ہوگا ،،، ورنہ <br /> اُس دیس کی قسمت کیا ہو گی ؟ اس قوم کی حالت کیا ہوگی ۔۔۔؟
